Ֆուտբոլ

Ես համոզված եմ, որ մեր կայքում կլինեն ֆուտբոլի երկրպագու-երկրպագուհիներ, այդ իսկ պատճառով որոշեցի մի քանի հետաքրքիր փաստեր պատմել ֆուտբոլի մասին:Դրանցից շատերը զարմանալի են, շատերը' ծիծաղելի, բայց փաստը մնում է փաստ: 
Ֆուտբոլային օլե~-օլե~-օլե~օլա կանչն առաջացել է Իսպանիայում, որտեղ «Օլե» գոռում էին ֆլամենկո պարելիս: Ֆուտբոլն օրենքով արգելված է 6 երկրներում' ներառյալ Աֆղանստանը, Կամպուչինոն: Ամենաերկար ֆուտբոլային հանդիպումը տեղի է ունեցել 1981թ. օգոստոսի 1-2-ը: Խաղում էին երկու իռլանդական թիմեր և հաղթողը պարզ է դարձել միայն 65 ժամ, 1 րոպե հետո: Բրազիլացի պաշտպան Պինեիրոյին անվանել են ռեկորդային թվով գոլեր խփած ֆուտբոլիստ, սակայն ՝ սեփական դարպասը գոլեր խփած: Միայն մեկ մրցաշրջանում նա սեփական դարպասն ուղարկել է 10 գնդակ: Ֆուտբոլիստի 25-ամյակին ընկերները մի ուղեցույց էին նվիրել, որի վրա փորագրված է. «Հիշի՛ր, հակառակորդը մյուս կողմում է»: Հայտնի են երկու դեպք, երբ մրցավարներն իրենք իրենց կարմիր քարտ են ցույց տվել: Էնդի Վեյնը հեռացրեց իրեն խաղադաշտից, որպեսզի խուսափի դարպասապահի հետ վեճից, իսկ Մելվին Սիլվեստրը՝ խաղացողի հետ պայքարելու համար: Բոստվանայի ազգային հավաքականն իր գոյության 28 տարիների ընթացքում ոչ մի միջազգային խաղում չի հաղթել: Իտալացի դարպասապահ Գռոսոն խաղի ժամանակ մրցավարին խորհուրդ է տվել ակնոց կրել, որի համար էլ հեռացվել է խաղադաշտից: Պարզվել է, որ ֆուտբոլիստը օպտիկական խանութի սեփականատեր է, իսկ մրցավարն իսկապես տեսողության հետ խնդիր է ունեցել: Կարգապահական հանձնաժողովի քննությունից հետո Գռոսոն ներվել է՝ որպես պարզապես խորհրդատու: Իսկ մրցավարն ի վերջո ակնոց գնել է: 1969թ. Աշխարհի առաջնության ընտրական փուլի հանդիպման ժամանակ Հոնդուրասի հավաքականի պարտությունը Սալվադորի հավաքականին, այդ երկրների միջև 6 օր տևած պատերազմի պատճառ է դարձել: 1976թ. մարտի 20-ին «Աստոն Վիլայի» ֆուտբոլիստ Կրիս Նիկոլը «Լեստեր Սիթիի» հետ խաղում 4 գոլի հեղինակ դարձավ, որոնցից երկուսը՝ սեփական դարպասին: Արդյունքում խաղն ավարտվեց ոչ-ոքի՝ 2:2: 1950թ. Հնդկաստանի հավաքականը դուրս եկավ Աշխարհի առաջնության մասնակից երկրների ցուցակից այն բանից հետո, երբ ՖԻՖԱ-ն արգելեց հնդիկներին ոտաբաց ֆուտբոլ խաղալ:
Կատեգորիա՝ Սպորտ | Ավելացրել է՝ Vard-na

Միայն դա է ինձ օգնում...

Ինչու եմ սիրում մարզասրա՞հը, այն պատճառով, որ այնտեղ կարելի է տեսնել իրական էմոցիաներ: Այն աղաղակները և խռպոտ ձայները վերջին մոտեցման ժամանակ, երբ ուժ այլևս չի մնացել, դա ազարտ է և ցանկություն ` դառնալ ավելի լավը, քան երեկ: Տեսնել, թե ինչպես են լարվում երակները մկանների ամեն մի կծկումից: Եվ տեսնել աչքերը…  աչքեր` լցված վճռականությամբ ու ձգտումով: Այստեղ չկա ոչ մի զարդ, ոչ մի թանկարժեք կոստյում և այլ կեղծավորություններ. այստեղ բոլորը հավասար են: Այստեղ գոյություն ունես միայն դու ու սեփական մարմինդ կատարելագործելու քո  ցանկությունը: Այս երկաթի կտորը օգնում է ինձ մոռանալ… Օգնում է մոռանալ նյարդայնացնող տնօրենիս, ով ամեն օր կառչում է նույնիսկ իդեալական արված աշխատանքիցս, որպեսզի ափերից դուրս բերի: Օգնում է մոռանալ նախկինիս, ով նուրբ ժպիտով բացեց կրծքավանդակս և կոտրեց սիրտս: Օգնում է մոռանալ բոլոր առօրյա խնդիրները , որոնք ամեն անգամ փորձում են իջնել ուսերիս և ծնկի բերել, ճկել իրենց տակ: Մարզասրահում դուրս է գալիս իմ մեջի հավաքված կատաղությունը` կատաղությունը ինքս իմ հանդեպ, ջղայնությունը հարևանների, ավտոբուսում գտնվող ամբոխի և ցեխոտ փողոցների նկատմամբ: Ամբողջ աշխարհը դառնում է դահլիճի չափ և իմ առջև դրված թիրախը նույնպես պարզ է : Կքանստել, ձգել և պոկել` այսքան հեշտ և միևնույն ժամանակ անհավատալի բարդ: Եվ արդեն տուն գալուց ես թեթև ժպտում եմ, որովհետև հասկանում եմ, եթե կարողացա հաղթահարել իմ ներքին թուլությունները, ապա ոչ մի դժվարություն կամ  խնդիր չի կարող ինձ կոտրել:

Կատեգորիա՝ Սպորտ | Ավելացրել է՝ BeyB

2014թ. Աշխարհի առաջնություն...


Ինչպես գիտենք՝ այսօր մեկնարկում է 2014թ. աշխարհի առաջնությունը, որը տեղի կունենա Բրազիլայում...Հավելեմ, որ Բրազիլիան այժմյան ամենաշատ հաղթանակ ունեցող հավաքականն է աշխարհի առաջնությունում)....Առաջնությանը մասնակցում է 32 երկիր՝ տարբեր տարածաշրջաններից, որոնք արդեն Բրազիլիայում են և ունեն մեկ ընդհանուր գաղափար...<< Հաղթել և դառնալ աշխարհի չեմպիոն >>: 
Բոլոր երկրներն ուժեղ են և պատրաստ հաղթահարելու իրենց առջև դրված ցանկացած արգելք, բայց չպետք է մոռանանք, որ կան այնպիսի հավաքականներ, որոնք, կարելի է ասել, լավագույններն են թերևս իմ կարծիքով: Դրանք են՝ Իսպանիայի, Գերմանիայի, Իտալիայի, Բրազիլիայի, Հոլանդիայի, Պորտուգալիայի և Անգլիայի հավաքականները:

Հիշեցնեմ, որ նախորդ աշխարհի առաջնությունը տեղի է ունեցել 2010 թվականին՝ Հարավային Աֆրիկայում, և որպես պաշտոնական հիմն եղել է  Shakira-Waka Waka երգը, սակայն այս տարի արդեն կար 3 երգ, որոնք շատ գեղեցիկ երգեր են, քանի որ նույն թեմայի մասին են, բայց ընտրվել է միայն մեկ երգ, այն է՝ Ahmed Chawki- Time of our Lives...Գեղեցիկ երգ, գեղեցիկ տեսահոլովակ, հիանալի ֆուտբոլային մտորումներ ու այս ամենը՝ մեկ երգի մեջ...Ձեզ եմ ներկայացնում 2014 թվականի աշխարհի առաջնության պաշտոնական հիմնը...

Ahmed Chawki- Time of our Lives



2010 թվականին հաղթող էր ճանաչվել Իսպանիայի ազգային հավաքականը, որը եզրափակչում մրցում էր Հոլանդիայի ազգային հավաքականի դեմ...Պայքարն ավարտվեց Իսպանացիների հաղթանակով՝ 1:0 հաշվով: Իսկ այս տարի պատկերացումներն ուրիշ են, ուրիշ են նաև հավաքականների տեսքն ու ձևաչափը: Մի խոսքով՝ փոխվել է ամեն ինչ...Միայն գաղափարն է նույն:



Այսօր կմեկնարկի աշխարհի առաջնությունն ու վստահ եմ, որ իր հորձանուտի մեջ կվերցնի միլիոնավոր, նույնիսկ՝ միլիարդավոր ֆուտբոլասերների, որոնք իրենց ժամանակը կնվիրեն տեսնելու իրենց իսկ սիրած հավաքականի խաղը: Իհարկե, գոյություն ունի յուրաքանչյուրիս մոտ ներքին ձայն, որը, քիչ թե շատ, հուշում է խաղի մասին, թե ով կդառնա հաղթող և այլն...Ինձ մոտ էլ է նույն կերպ...Չգիտեմ՝ ինչու, ինձ թվում է, որ հաղթող կճանաչվի Գերմանիայի հավաքականը, սակայն չպետք է թերագնահատել մյուսների ուժերը....Ներքին ձայնս ինձ այդպես է հուշում, սակայն ցանկանում եմ, որ հաղթի Իսպանիայի հավաքականը և հենց նրան էլ երկրպագելու եմ:

Դե ինչ, այսօրվանից սկսենք դիտել ֆուտբոլային խելահեղ արկածները, դիտենք և ինչու չէ, հպարտանանք մեր ազգային հավաքականով և նրան մաղթենք հաջողություն: Իսկ բոլոր ֆուտբոլի երկրպագուներին մաղթում եմ ամուր նյարդեր, մեծ ժամանակ և չմոռանանք, որ ամեն խաղից առաջ պետք է ասենք, այսպես ասած, պաշտոնական դարձած այս արտահայտությունը...<<Ole, Ole, Ole, Ole.... >>
Կատեգորիա՝ Սպորտ | Ավելացրել է՝ Նելլի♥

Օլիմպիական խաղեր

Օլիմպիական խաղեր (Օլիմպիադա), խոշորագույն միջազգային սպորտային մրցաշար, որն անց է կացվում յուրաքանչյուր չորս տարին մեկ։ Օլիմպիական խաղերը սկիզբ են առել Հին Հունաստանում, սակայն 4-րդ դարում արգելվել են։ Ֆրանսիացի բարոն Պիեր դե Կուբերտենի ջանքերով դրանք 19-րդ դարում «վերածնվել» են: Օլիմպիական խաղերը կամ Ամառային Օլիմպիական Խաղերը 1896 թվականից ի վեր տեղի են ունենում յուրաքանչյուր չորս տարին մեկ, բացառություն են կազմել համաշխարհային պատերազմի տարիները։ 1924 թվականից սկսեցին կազմակերպվել նաև Ձմեռային Օլիմպիական խաղերը, որոնք սկզբնական շրջանում տեղի էին ունենում նույն տարում, ինչ Ամառային Օլիմպիական խաղերը։ Սակայն 1994 թվականից Ձմեռային Օլիմպիական խաղերը անց են կացվում Ամառային Օլիմպիական խաղերից երկու տարի անց:
Կատեգորիա՝ Սպորտ | Ավելացրել է՝ Անն

Ռաուլ Գոնսալես Բլանկո

Ռաուլ Գոնսալես Բլանկոն ծնվել է 1977թ. հունիսի 27-ին՝ Իսպանիայի մայրաքաղաք Մադրիդում: Ռաուլը 16 տարի շարունակ հանդես է եկել արքայական ակումբում և դարձել նրա կուռքն ու խորհրդանիշը: 
Նա  մեծացել է Մադրիդի մերձակայքում: Նրա հայրը՝ դոն Պեդրոն եղել է Ատլետիկո Մադրիդի մոլի երկրպագուներից մեկը: Դոն Պեդրոն երազում էր իր որդուն տեսնել հենց Ատլետիկո Մադրիդի կազմում, սակայն Ռաուլի ճակատագիրը կապեց նրան Ռեալ Մադրիդի հետ և շատ շուտով պարզ դարձավ, որ Ռաուլը դառանու է Ռեալի առաջատարներից մեկը: Ռաուլը իր խփած գոլերի քանակով դարձավ արքայական ակումբի լավագույն ռմբարկուն ամբողջ պատմության մեջ՝ գերազանցելով լեգենդար Ալֆրեդո Դի Ստեֆանոյին: Ընդհանուր առմամբ, Ռաուլը 323 գոլ է խփել Ռեալ Մադրիդում անցկացրած 16 տարիների ընթացքում: Խոսելով Ռեալ Մադրիդի մասին, անհնար է չհիշատակել Ռաուլ Գոնսալես Բլանկոյի Անունը: Նա համարվում է Ռեալ Մադրիդի միակ և անկրկնելի ավագը 
նրա հովանավորն ու խորհրդանիշը: Ռաուլի հեռանալը Ռեալից չափազանց վատ ազդեցություն ունեցավ ընդհանուր թիմի խաղի և հոգեբանության վրա: Ահա թե ինչպես է արտահայտվել Ռաուլը՝ Ռեալ Մադրիդի մասին. <Ռեալում անցկացրած տարիները ուղղակի հիանալի էին ինձ համար: Ռեալն իմ ակումբն է, ես հավերժ մադրիդիստ կմնամ, Ռեալը փոխեց իմ կյանքը: Սակայն եկավ մի ժամանակաշրջան, երբ ես ստիպված էի հեռանալ Ռեալից: Ես կարող էի մնալ, բայց այդ դեպքում հաճույք չէի ստանա ֆուտբոլից>, -իր հրաժեշտի ասուլիսում հայտարարել էր Ռաուլը: Ռաուլը ամուսնացած է նախկին մոդել Մամեն Սանսի հետ և ունի 5 երեխա՝ երեք տղա և երկու աղջիկ: Ռաուլը ազատ ժամանակ սիրում է լսել իսպանական երաժշտություն: Իսկապես՝ շատ քչերին է հաջողվում կենդանության օրոք համարվել լեգենդ այս կամ այն ակումբի կամ հավաքականի 
համար: Ռաուլը Ռեալ Մադրիդի և Իսպանիայի ազգային հավաքանակի արժանի լեգենդն է: Ինչքան էլ նա պնդի, թե արքայական ակումբը փոխել է իր կյանքը, միևնույն է, երկրպագուները կարծում են, որ հենց Ռաուլն է փոխել Ռեալ Մադրիդի կյանքը, եղանակ ստեղծել այդտեղ: Ռաուլը, ինչպես և Ռեալ Մադրիդը՝հավերժ են: Նա միշտ ապրելու է մադրիդիստների սրտերում և հիշողության մեջ:                                                                                                                ԵՐԱՆԻ ՄԱԴՐԻԴԻՑ ՉՀԵՌԱՆԱՅԻՐ ԼԵԳԵՆԴ
Կատեգորիա՝ Սպորտ | Ավելացրել է՝ _GoR_

Բասկետբոլ

Բակետբոլ բառը առաջացել է անգլերեն  Basket-զամբյուղ և Ball-գնդակ բառերից:Այն թիմային մարձաձև է,որը մտնում է օլիմպիական խաղերի ծրագրերի մեջ: Միմյանց դեմ մրցում են երկու թիմ, յուրաքանչյուրում 5 բասկետբոլիստ(ուհի)։ Խաղի նպատակը հակառակորդ թիմի զամբյուղի մեջ գնդակը նետելն է:
Բասկետբոլ գնդակի շրջանագիծը 75-78 սմ է, իսկ զանգվածը՝ 600-650 գրամ։Այն ավելի մեծ ու ավելի ծանր է, քան վոլեյբոլի և ֆուտբոլի գնդակները։
Խաղադաշտում խաղում են 28x15 մետր չափերի հարթ, ուղղանկյուն հրապարակում, որի դիմային կողմերում գտնվում են հենարաններին ամրացված զամբյուղները։
Խաղի կանոնները հետևյալն է:
Խաղի առաջին կանոնները տպագրվել են  «Եռանկյունի» ամսագրում 1892-ի հունվարին «Նոր խաղ» վերնագրով։Խաղի առաջին 13 կանոներն են
  • Գնդակը կարող է ամեն ուղղությամբ՝ մեկ կամ երկու ձեռքով։
  • Գնդակին չի կարելի հարվածել բռունցքով։
  • Խաղացողը չի կարող վազել գնդակով։
  • Գնդակը պետք է պահել միայն ձեռքերի մեջ. մարմինը չպետք է օգտագործել։

  • Գնդակը կարող է փոխանցել բոլոր ուղղություններով մեկ կամ երկու ձեռքով։
  • Եթե մի թիմը անընդմեջ ստանում է երեք տուգանք, հակառակորդին հաշվում են մեկ միավոր։
  • Միավոր են հաշվում այն ժամանակ, երբ գնդակը նետվում և մնում է զամբյուղի մեջ։
  • Երբ գնդակը խաղադաշտից դուրս է գալիս, այն պետք է մտցվի խաղադաշտ նույն տեղից հինգ վայրկյանի ընթացքում։
  • Խաղավարներից մեկը պետք է նշի բոլոր տուգանքները և զգուշացնի մյուս խաղավարներին, եթե թիմը ստացել է երեք անընդմեջ տուգանք։
  • Խաղի տևողությունը 4-12 րոպե, և 5 րոպե ընդմիջում երկու խաղակեսերի միջև։
  • Խաղադաշտում գտնվող մրցավարը պետք է պահի խաղի հաշիվը, թե ո՞ր թիմին պետք է տալ գնդակը, երբ այն դուրս է եկել դաշտի սահմաններից։
  • Խաղի 30 րոպեների ընթացքում ավելի շատ արդյունավետ նետում կատարած թիմը ճանաչվում է հաղթող։ Հավասարության դեպքում ավելացվում է լրացուցիչ ժամանակ՝ որոշելու հաղթող կողմին։
Թիմերից յուրաքանչյուրը բացի մեկնարկային 5 խաղացողներից ունի նաև պահեստայիններ, որոնց մարզիչները կարող են խաղահրապարակ մտցնել ցանկացած ժամանակ՝ առանց սահմանափակումների։ Բասկետբոլի խաղը բաղկացած է 2 խաղակեսից, որոնցից յուրաքանչյուրն էլ՝ 2 քառորդից։ Մի քառորդը տևում է 10-12 րոպե, օրինակ՝  Միացյալ Նահանգներում Բասկետբոլի ազգային ասոցիացիայում խաղում են չորս 12 րոպեանոց քառորդներ, իսկ Եվրոպայում և աշխարհի մյուս բոլոր երկրներում 4-10 րոպենաոց քառորդներ։ Եթե գնդակը զամբյուղն է նետվում խաղային իրադրությունից, ապա թիմը վաստակում է 2 միավոր, վեցմետրանոց գծից դուրս կատարված նետումից՝ 3 միավոր, իսկ տուգանային նետումից՝ 1 միավոր։ Եթե բասկետբոլիստը ունի բավականին բարձր հասակ և ատլետիզմ, ապա նա կարող է գնդակը մխրճել օղակի մեջ, որը կոչվում է դանկ։
  • Գնդակը խաղի մեջ է մտցվում եզրագծից։ Թիմերից յուրաքանչյուրը կարող է այն իր մոտ պահել 24 վայրկյանից ոչ ավել։ Եթե լրացել է 24 վայրկյանը, իսկ թիմը դեռ գնդակը չի նետել դեպի զամբյուղը, ապա այն անցնում է հակառակորդ թիմին։
  • Եթե տվյալ թիմը անցել է հակառակորդի կիսադաշտ, ապա իրավունք չունի ետ վերադառնալ իր սեփական կիսադաշտ, իսկ հարձակումն սկսելուց հետո պետք է 8 վայրկյանից ավելի չմնա սեփական կիսադաշտում։
  • Գնդակին բռունցքով կամ ոտքով հարվածել չի կարելի։
Կատեգորիա՝ Սպորտ | Ավելացրել է՝ Ռուզան

ԿՐԻՇՏԻԱՆՈՒ ՌՈՆԱԼԴՈՒՆ ԴԱՐՁԱՎ 29 ՏԱՐԵԿԱՆ.....♥

Կրիշտիանու Ռոնալդուն այսօր տոնում է իր 29-րդ տարեդարձը: Հարձակվողը, ով հունվարին ստացավ իր կարիերայի երկրորդ «Ոսկե գնդակը», արդեն իր հինգերորդ մրցաշրջանն է անցկացնում «Արքայական ակումբում»: Այս հինգ տարիների ընթացքում Ռոնալդուն խփել է 234 գնդակ, որը «սերուցքայինների» պատմության մեջ ռմբարկուների հինգերորդ ցուցանիշն է: Նրանից առաջ են գտնվում Ռաուլը, Դի Ստեֆանոն, Սանտիլիանան և Պուշկաշը: Ընթացիկ մրցաշրջանում պորտուգալացին արդեն 32 գոլ է հեղինակել, որը նրան հնարավորություն է տվել 22 գոլով գլխավորել Լա լիգայի ռմբարկուների ցուցակը, իսկ ինը գոլով Չեմպիոնների լիգայինը:

Պորտուգալացի գոլահարը ծնվել է 1985 թվականի փետրվարի հինգին Ֆունշալ քաղաքում: Իր պրոֆեսիոնալ կարիերան նա սկսել է «Սպորտինգ» ակումբում: Իսկ արդեն 2009 թվականին Ռոնալդուն ռեկորդային գումարով տեղափոխվեց «Արքայական ակումբ», որի հետ նա նվաճել է առաջնության չեմպիոնի կոչում, Իսպանիայի գավաթը և Սուպերգավաթը: Իր դեբյուտային հանդիպումը նա անցկացրեց 2009 թվականի օգոստոսի 29-ին: Մրցակիցը «Դեպորտիվոն» էր, որին «սերուցքայինները» հաղթեցին 3-2 հաշվով: Հենց այդ հանդիպման ժամանակ էլ Ռոնալդուն խփեց իր առաջին գնդակը «Ռեալի» կազմում:

Ցանկանում եմ ֆուտբոլիստին երկար տարիների կյանք, հաջողություն իր աշխատանքում և ուզում եմ բոլոր երկրպագուների անունից շնորհավորել նրա ծնունդը......♥♥♥

ԾՆՈՒՆԴԴ ՇՆՈՐՀԱՎՈՐ, ԼԵԳԵ՛ՆԴ....♥♥♥



Կատեգորիա՝ Սպորտ | Ավելացրել է՝ Նելլի♥

Յուրան զգում է քո ձայնի կարիքը

Բոլորս էլ, անխոս, ճանաչում ենք Յուրա Մովիսիյանին, որը մեծ նվիրվածությամբ առ այսօր բարձր է պահում մեր՝ ֆուտբոլի ազգային հավաքականի, ինչպես նաև Ռուսական «Սպարտակ» ֆուտբոլային ակումբի անունը: Նա հայազգի մի հրաշալի ֆուտբոլիստ է, որն այսօր հայտնվել է շատ ֆուտբոլասերների և մարզիչների ուշադրության կենտրոնում: Հիմա մեր աջակցությունն է հարկավոր մեր հայրենակցին՝ դառնալու Ռուսաստանի առաջնության լավագույն ֆուտբոլիստ: Նա այժմ գրավում է Sovsport.ru կայքի կատարած հարցման երկրորդ պատվավոր տեղը, սակայն նրան անհրաժեշտ է մեր օժանդակությունը՝ առաջատարը լինելու համար, որը նրան հնարավորություն կնձեռնի ձեռք բերել «Ռուսաստանի առաջնության լավագույն ֆուտբոլիստ» տիտղոսը: Քվեարկության մեկնարկը տրվել է 15.12.13-ին և կավարտվի 27.12.13-ին: 

Քվեարկությանը կարող եք մասնակցել հետևյալ հղումով:

Պատվիրատու՝ VaheAD
Կատեգորիա՝ Սպորտ | Ավելացրել է՝ Dinka

Hala Madrid

Hala Madrid...Այս բառն այսօր լսվում է միլիոնավոր, նույնիսկ՝ միլիարդավոր մարդկանց շուրթերից: Այս բառը լսվում է միայն իսկական Ռեալի երկրպագուների շուրթերից: Ռեա՛լ, ի՛մ Ռեալ: Քո 
խաղից կարելի է միայն հաճույք ստանալ, միայն ստանալ այն, ինչը չի ստացվի մյուսներից: Իհարկե, ոչինչ էլ այս աշխարհում հարյուր տոկոս չէ.դա ևս վերաբերվում է Ռեալին: Ի՛մ Ռեալ, ինչքան ուզում ես պարտվի՛ր մյուս բոլոր թիմերին, մեկ է, դու ինձ համար կատարյալ, պաշտելի թիմ ես: Իմ կարծիքն է դա, բոլորն էլ կարող են համամիտ չլինել իմ մտքի հետ, բայց դա այդպես է: Ես Ռեալի երկրպագու եմ, մի թիմի, ում երկրպագուների թիվն անցնում է միլիոնների շեմը, ում խաղացողներն աշխարհի լավագույն խաղացողներից են, եթե ոչ լավագույնները, ում խաղաոճը նման չէ մյուս բոլո՛ր թիմերի խաղաոճին. Ռեալը միշտ էլ տարբերվում է և աչքի է ընկնում իր մաքուր և գեղեցիկ խաղով: Ես սիրում եմ Ռեալի անգամ պարտությունը, անգամ վատ խաղը. Ռեալն ինքնին ինձ համար մի կյանք է, որն ինձ համար կապ չունի` առաջին անգամ վա՞տ կստացվի, թե՞ լավ: Ես սիրում եմ աշխարհում միակ արքայական թիմին, միակ սպիտակաթուր զգեստով խաղացողներին, իհարկե՛, միայն նրանք չեն հագնում ճերմակ, բայց նրանք են միայն ու միայն արքա: Իհարկե՛, աշխարհում նրանցից հետ չեն մնում ուրիշ՝ այլ աշխարհահռչակ թիմեր, բայց ինձ համար և՜ աշխարհում, և՜ որպես իմ սրտի մի մասնիկ Ռեալը  լավագույնն է` իր լավ և վատ կողմերով: Եվ ինձ մնում է ամեն խաղից առաջ ոգեշնչել ինձ` ասելով այս խոսքերը, որոնք կարծես կախարդական լինեն.« Hala Madrid, Vamos chempiones....♥»

Պատվիրեց՝ ԱՆ♥-ը
Կատեգորիա՝ Սպորտ | Ավելացրել է՝ Նելլի♥

Բոլոր հայերը ցնծում են

Երեկ՝ ժամը 20:00-ին, մեկնարկեց Չեխիա-Հայաստան հանդիպումը, որին հայերը և , ոչ միայն, սպասում էին մեծ ուրախությամբ ու անհամբերությամբ: Բոլորը լարված սպասում էին ինչ-որ արդյունքի՝ գոլի տեսքով, և այդ գոլը մեզ շատ սպասեցնել չտվեց: Ահա, արդեն 31-րդ րոպեին, Կառլեն Մկրտչյանի հեռահար հարվածից հետո, գնդակը հայտնվում է Պետր Չեխի պաշտպանած դարպասում: Գո՜լ: Ցնծում էր ողջ հայությունը, թե՛ այստեղ և թե՛ Չեխիայում: Ավարտվեց առաջին խաղակեսը: Թիմերը հանգստացան և կրկին դուրս եկան դաշտ: Այս անգամ հայերը գոլ բաց թողեցին, սակայն, արդեն խաղի հիմնական ժամանակի ավարտից հետո, ավելացրած երկրորդ րոպեին, հայերը խփեցին խաղի երկրորդ և հաղթական գոլը
: Ողջ Հայաստանը ցնծության մեջ էր, ու ցնծության մեջ է նաև հիմա: Շնորհավորում եմր բոլորին` փայլուն հաղթանակի կապակցությամբ: Սա այն հաղթանակն էր, որը թույլ է տալիս շարունակել Բրազիլիայում սպասվող աշխարհի առաջնության եզրափակիչ փուլի ուղեգրի համար պայքարը: Ցանկանում եմ, որ այսպիսի հաղթանակներ միշտ լինեն: Ու ապացուցենք բոլորին, որ մենք շա՛տ ուժեղ ենք և կարող ենք հասնել այսպիսի հաղթանակների:

Կատեգորիա՝ Սպորտ | Ավելացրել է՝ Նելլի♥
« 1 2 3 4 ... 7 8 »